ក្រុមហ៊ុន សុក្រិត្យ និង ពិភារ ខសមេធិក គឺជាក្រុមហ៊ុន​នាំចូល​ផលិតផល​ថែរក្សាសម្ផស្ស​មានគុណភាពខ្ពស់ពីបរទេស។ យើងខ្ញុំជាក្រុមហ៊ុនដែលបានចុះបញ្ជិកានៅក្រោមក្រសួងពាក់ព័ន្ធនៃព្រះរាជាណាចក្រកម្ពុជា។

ទស្សនៈវិស័យ

ក្លាយទៅជាក្រុមហ៊ុន​ចែកចាយ​ផលិត​ផល​ថែរក្សាសម្ផ​ស្សតាមប្រព័ន្ធ​អនឡាញ​ឈាន​មុខ​គេនៅ​​ក្នុងព្រះរាជាណាចក្រកម្ពុជា។

បេសកកម្ម

តាមរយៈការ​ចែកចាយ​ផលិតផល​ថែរក្សាសម្ផស្សប្រកបដោយ​គុណភាព និង​សុវត្ថិភាព ​ក្នុងតម្លៃសមរម្យ​​​ដល់​ស្ត្រីកម្ពុជា ក្រុមហ៊ុន​ សុក្រិត្យ និង ពិភារ ខសមេធិក ឯ.ក នឹង​ចូលរួមចំណែក​លើកកម្ពស់​​ការអប់រំផ្នែក​ថែរក្សាសម្ផស្ស​រូបរាងកាយ​តាំង​ពី​ចុងសក់​ដល់ចុងជើង។ ​យើងខ្ញុំនឹង​សម្រិតសម្រាំង​​ផលិត​ផល​មានគុណភាព​ និងសុវត្ថិភាពខ្ពស់បំផុត​ ជាមួយ​នឹង​​សេវាកម្ម​ដឹកជញ្ជូន​ដល់គ្រប់​ទីកន្លែង​នៅទូទាំងប្រទេស​។

គោលបំណងរបស់យើង

សក់គឺជាចំណែក​មួយ​នៃ​សម្រស់របស់មនុស្ស​នេះគឺជារឿងពិតដែលមិនអាចប្រកែកបាន។ ទាំងបុរសនិង​ស្ត្រី ការ​ដែលមានសក់សមស្របទៅនឹងទម្រង់មុខ ខណៈសក់នោះ​ក៏មានភាព​ស្អាត ​ទន់រលើបរលោង មានសុខភាពល្អ គឺក្តីប្រាថ្នា​មួយ​ដែល​ពួកគេចង់បាន។ សក់ស្អាត​សមសួន​អាចបង្ហាញពីភាព​ស្រស់ស្អាត ភាពស្រស់សង្ហារ​ ត្បិត​សក់គឺជា​សរីរាង្គមួយ​ដែល​អ្នកអាចចាប់អារម្មណ៍​មុនគេ ​នៅរាល់​ពេល​ដែល​អ្នកជួបបុគ្គលណាម្នាក់។

ដោយមានចិត្តស្រលាញ់សក់​តាំងពីតូចរហូតមកដល់បច្ចុប្បន្ននេះហើយ​ ទើបលោករិន សុក្រិត្យ និង កញ្ញា​ សែន ពិភារ​ បានសហការជាមួយ​នឹង​ដៃគូរ​វិនិយោគមក​​ពីសហរដ្ឋអាមេរិក​សម្រេចបង្កើត​ក្រុមហ៊ុននាំចូលផលិតផល​ថែរក្សាសក់​សម្រាប់បុរសស្ត្រី​ពីបរទេសចូលមកក្នុងទីផ្សារកម្ពុជា​​។​ ក្រុមហ៊ុននោះមានឈ្មោះថា សុក្រិត្យ & ពិភារ ខសមេធិក ឯ.ក​ ដែលជាក្រុមហ៊ុន​នាំ​ចូល​ផលិត​ផល​ថែរក្សាសម្ផស្ស​ក្នុងនោះរាប់ចាប់តាំងពីសាប៊ូកក់សក់ប្រចាំថ្ងៃ ក្រែមបន្ទន់សក់ ព្រមទាំង​ប្រេងលាបសក់​ប្រកបដោយគុណភាព សុវត្ថិភាព និងប្រសិទ្ធិភាពសម្រាប់​ប្រជាពលរដ្ឋ​ខ្មែរ​ប្រើប្រាស់នៅក្នុងតម្លៃ​សមរម្យ ហើយ​​ថែម​ទាំង​មានភាព​ងាយស្រួល​នៅក្នុងការ​បញ្ជារទិញជាទីបំផុត។

យោងតាម​ American Academy of Dermatology បានបញ្ជាក់ថាមនុស្សគ្រប់រាប់តាំងពីកុមារ​គឺសុទ្ធសឹងតែអាចកក់សក់ដោយ​ប្រើប្រាស់​សាប៊ូកក់សក់បាន។ ដោយឡែក​បុគ្គល​គ្រប់រូប​ដែលមាន​អាយុ​ចាប់​ពី​១២ឆ្នាំឡើងគួរ​ព្យាយាមកក់សក់ជារឿងរាល់ថ្ងៃជាពិសេស​គឺនៅពេល​ដែល​កត់សម្គាល់ឃើញថា​សក់​នោះ​ជាតិប្រេងច្រើនក្រោយ​ពេល​លេងកីឡា ក្រោយពេល​ធ្វើដំណើរ​ ឬក្រោយពេល​ហែលទឹក​ក្នុងអាងទឹកជាដើម។

ដូច្នេះ​ផលិត​ផល​ថែរក្សាសក់​របស់ក្រុមហ៊ុន សុក្រិត្យ & ពិភារ ខសមេធិក គឺត្រូវបានផលិតឡើង​តាមរូបមន្ត​របស់ប្រទេសកាណាដា​ដើម្បី​កាត់បន្ថយ​ជាតិប្រេង​ និងជួយឱ្យ​សក់​ទន់រលោង​ រស់រវើក ងាយស្រួល​នៅក្នុងការ​ថែទាំប្រចាំថ្ងៃ។ ទោះបីជាផលិតថែរក្សាសក់​របស់ក្រុមហ៊ុនយើង អាច​ប្រើប្រាស់បាន​ទាំង​បុរស​និងស្ត្រីក៏ពិតមែន​ ប៉ុន្តែ​អតិថិជនគោលដៅ​នៃផលិត​ថែរក្សាសក់​របស់​ ក្រុមហ៊ុន សុក្រិត្យ & ពិភារ ខសមេធិក ​គឺជាស្រ្តី​ជាពិសេស​យុវតី​ដែលកំពុង​សិក្សា​នៅថ្នាក់​វិទ្យាល័យ និស្សិត បុគ្គលិក ព្រមទាំង​ស្រ្តីមេផ្ទះ​គ្រប់រូប។

បានចុះបញ្ជិកានៅក្រសួងដូចខាងក្រោម: